Güclü külək Bayılda qayığı aşırdı, 2 balıqçı köməksiz qaldı
Digərləri 13 İyl 2019 13:39:00 237 0
Su Nəqliyyatında Polis İdarəsində araşdırma aparılır.
Bakı.
İyulun 12-də saat 20.40 radələrində DİN-in “102” Zəng Mərkəzi Xidmətinə Səbail rayonu Bayıl qəsəbəsi ərazisində dənizdə güclü küləyin əsməsi nəticəsində qayığın aşması və 2 balıqçının adada köməksiz vəziyyətdə qalması barədə məlumat daxil olub.
DİN Mətbuat Xidmətindən Trend-ə verilən məlumata görə, müraciətlə əlaqədar dərhal müvafiq tədbirlər görülüb.
Təxirəsalınmaz tədbirlərlə Su Nəqliyyatında Polis İdarəsinin əməkdaşları hadisə yerinə gəlmiş, vətəndaşların köməyi ilə S.Hənifəzadə və H.Hüseynov xilas edilərək sahilə çıxarılıblar.
Mənbə: az.trend.az