Rezidenturaya qəbul imtahanının II mərhələsi keçiriləcək


Digərləri 10 İyl 2019 10:52:00 209 0

Rezidenturaya qəbul imtahanının II mərhələsi keçiriləcək

Dövlət İmtahan Mərkəzi iyulun 14-də 2019/2020-ci tədris ili üçün Azərbaycan Respublikasında baza ali tibb təhsili əsasında həkim-mütəxəssislərin hazırlanması məqsədilə rezidenturaya qəbul imtahanının II mərhələsini keçirəcək

Bakı. İlhamə İsabalayeva - Dövlət İmtahan Mərkəzi (DİM) iyulun 14-də 2019/2020-ci tədris ili üçün Azərbaycan Respublikasında baza ali tibb təhsili əsasında həkim-mütəxəssislərin hazırlanması məqsədilə rezidenturaya qəbul imtahanının II mərhələsini keçirəcək. DİM-dən Trend-ə verilən məlumata görə, imtahan Bakı şəhərində 2, Naxçıvan şəhərində 1 binada keçiriləcək və saat 11:00-da başlanacaq. İmtahan 2 saat 30 dəqiqə davam edəcəkdir. İmtahanda iştirak etmək üçün namizədlər aşağıdakı sənədləri təqdim etməlidirlər: şəxsiyyəti təsdiq edən sənədin əslini; İmtahan gününə müvafiq olan "Namizədin imtahana buraxılış vərəqəsi"ni. Göstərilən sənədlərdən biri olmadıqda və ya sənədlər arasında uyğunsuzluq olduqda namizəd imtahana buraxılmayacaqdır. İmtahanda namizədlərə ixtisas fənləri üzrə 100 test tapşırığı təqdim olunur və hər bir test tapşırığının düzgün cavabı 1 (bir) balla qiymətləndirilir, səhv cavablar namizədin imtahan nəticəsinə təsir göstərmir.