İspan alimlər belə qənaətə gəliblər ki, südün və onun əsasında hazırlanan yağlılığı aşağı məhsulların normal ölçüdə qəbul edilməsi bir sıra xəstəliklərin inkişaf riskini azaldır.

Son.az saglamolun.az-a istinadən bildirir ki, bu barədə "Medical Xpress" portalı "Advances of Nutrition" jurnalında dərc edilmiş araşdırmaya istinadən məlumat yayıb.

Alimlər südün profilaktik xassələrinin yoxlandığı 14 tədqiqatın meta-təhlilini aparıblar. Məlum olub ki, yağlılığı aşağı olan süd məhsullarından, o cümlədən, yoğurtlardan istifadə metabolik sindrom və ikinci növ diabetin inkişaf riskini azaldır.

Bundan başqa, belə məhsulların qəbul edilməsinin kolorektal və sidik kisəsi xərçənglərinin inkişaf ehtimalının azalması ilə bağlılığı tapılıb.