Son.az axşam.az-a istinadən bildirir ki, Rəşad Məcid qeyd edib ki, konsertdə iştirak edə bilməsə də, bu gün televiziya vasitəsilə izləyib:

"Möhtəşəm bir yaradıcılıq nümunəsi. Böyük zəhmət, fərqli zövq, yüksək istedad. Darıxmağa, nəfəs çəkməyə imkan verməyən zəngin səhnə mədəniyyəti və tamaşaçını ovsunda saxlamaq bacarığı. Cadugər sehri. Poeziyanın, teatrın, rəqsin, musiqinin çulğaşan, bir-birində əriyib itən əzəmətli vəhdəti. Hər bir xalqın arzulayacağı, həsəd aparacağı, paxıllıq edəcəyi yüksək sənət performansı. Heyrətləndim və qürur duydum. Elza xanımı və bütün əmək sərf edənləri təbrik edirəm".