Bakı. Samir Əli - Bakı Ağır Cinayətlər Məhkəməsində külli miqdarda dələduzluqda təqsirləndirilən Elmar Məlikovun cinayət işi üzrə məhkəmə prosesi davam etdirilib. Trend-in məlumatına görə, hakim Ramella Allahverdiyevanın sədrliyi ilə keçirilən prosesdə məhkəmə istintaqı yekunlaşıb və prokuror çıxış edib. Dövlət ittihamçısı E.Məlikovun 9 il azadlıqdan məhrum edilməsini istəyib. Proses iyulun 10-da müdafiə tərəfinin çıxışları ilə davam edəcək.