Budur müxalifətimiz?


Siyasət 03 İyl 2019 15:06:55 81 0

Budur müxalifətimiz?

"You want it darker, we kill the flame" Əfsanəvi amerikalı müğənni, şair və bəstəkar Leonard Koenin məşhur mahnısında "Zülmət olmasını istərsən - alovları söndürərik" deyirdi.

Azərbaycanda inkişafı, demokratiyanı, vətəndaş haqlarının və insan hüquqlarının tam təminatını, tərəqqini və ölkəmizin güclü dövlətlər sırasında möhkəm yer tutmasını istədiklərini deyənlər var.

Onlar sosial şəbəkələrdə "yaşayır", Facebook-dakı profillərində və səhifələrində qəzəbli statuslar yazır, YouTube kanallarında cidala çıxır, hakimiyyəti hədəfə alırlar. Söyürlər, qarğışlar edirlər, inqilaba çağırırlar, qətllər və qiyamla hədələyirlər.

"Biz gələk, sizi asacağıq!", "Ey Hakimiyyət, səni Qəddafinin taleyi gözləyir" tipli şüarlar, çağırışlar, bəyanatlar, hayqırtılar...

Azərbaycandakı radikal müxalifətlə yanaşı, onunla unison çıxış edən, müxtəlif xarici ölkələrdə yaşayan, daha doğrusu, həmin ölkələrə sığınan və sığınacaq da almağa çalışan, yaxud alanların davranışlarına fikir veribsinizmi?

Onların ifaları sinxrondur, çünki eyni mərkəzlərdən idarə olunur, eyni qüvvələrin maliyyəsindən asılı girovlardır. Bu adamlar Azərbaycanda yaxşı heç nəyi görmür, batinlərindəki xıltı və qara niyyəti ətrafdakı çalarlara sirayət etdirərək qaraya bürüməyə can atırlar.

Etikadan və əxlaqdan çox uzaq ifadələr, vətəndaş müharibəsinə və silahlı qarşıdurmaya çağırışlar, opponent qismində gördükləri şəxslərin ünvanlarına təhqirlər, dövlət simvollarımızın və milli dəyərlərimizin aşağılanması - bunlar "siyasi mübarizə" kimi qələmə verilir.

Belə davranış və başabəla "mübarizə" kimsəyə şərəf gətirmir, gətirə də bilməz.

İstənilən halda bu insanların mahiyyətində bir işıqlı əvvəlin olduğuna, onların əxlaqının tam deqradasiyaya uğramadağına inanmaq istərdim. Daha doğrusu, inanıram da.

İnanmaq istəyirəm ki, üzləşilən heç bir problem, yaşanan heç bir müşkül, hətta Vətəni bu və digər səbəblərə görə tərk edərək hansısa ölkəyə sığınmaq, yaşam və ya siyasət uğursuzluqları ifrat kinə, həddi bilinməyən küdurətə, öz dövlətinə düşmən kəsilməyə səbəb olmamalıdır.

Azərbaycanlının Azərbaycanın qan çanağına çevrilməsini arzulaması üçün hansı nəsnə və ya hadisə səbəb sayıla bilər ki?!

Faktiki olaraq, heç nə.

Amma əfsuslar olsun ki, aylardan bəri etdiyim çağırışlar cavabsız qalıb.

Bəhs etdiyim insanlar yanlış yol tutduqlarını, Şər və yalan ərbablarına çevrildiklərini çox söylədilər, anlamadılar. Anlamaq istəmədilər. Bəlkə də istədilər, lakin boyunlarına götürdükləri öhdəliklər, imza atdığı sənədlər, verdikləri vədlər imkan vermədi.

Görünən budur ki, siyasi fəaliyyət və siyasi mübarizə anlayışları bəsit, dünyagörüşləri yaşadıqları mənzil qədər dar, əxlaqlarının səviyyəsi isə plintusdan aşağı olanlar bildikləri dildə danışırlar. Belələrindən qısa müddətdə dəyişkənlik, islah gözləmək möcüzəli transformasiyaya ümid etməyə bərabər olan mənasız işdi.

Səbəblər çoxdur və onların arasında xüsusi yeri bəhs etdiyim insanların Azərbaycandakı "demokratik müxalifət"lə sıx əlaqələri tutur.

Daha doğrusu, onlar sinxron şəkildə davranır, danışır, hərəkət edirlər.

Füzulinin təbirincə desək, "kim nə miqdar olsa, əhlin eylər ol miqdar söz".

Misal kimi REAL hərəkatının - bu dərnək özünü partiya adlandırır - lideri İlqar Məmmədovu göstərmək olar.

Həbsdə olanda onu qəhrəman etdilər, az qala "Millət Xilaskarı"na çevirdilər, trollaşmağa başlayanlar həsrətlə yolunu gözlədilər.

O da çıxdı həbsdən, mətbuat konfransı keçirdi, jurnalistlərə ağıl öyrətdi, "Sistem getməlidir!" tipli müdrikanə cümlə söylədi, sonra başladı Facebook-da öz kiçik, rəngli dünyasını quraraq bayağı vaynerlər təki bamazə statuslar yazmağa.

Hər statusu da lağa qoyuldu, ələ salındı və iş o yerə çatdı ki, dünənki müttəfiqləri belə onu, "Məhsul" stadionundakı mitinq yığnağına çağırmalarına peşman oldular.

Son müsahibəsində isə o, kim olduğunu ortaya qoydu.

Bulqakovun "Master və Marqarita"sını oxuyanda İlf və Petrovun "12 stul"unu yada saldığını deyən, "Bəyin oğurlanması" filmində qoca babanın metereoloq qıza məsləhət verməsini "elmin aşağılanması" sayan İlqar Məmmədov prezidentlik iddiasındadır.

Şərh etmək istəmirəm bu iddianı, çünki kliniki mənzərədir.

Eynən AXCP sədri Əli Kərimlinin siyasətçiliyi Facebook bloqerliyinə dəyişməsi, "Milli Şura"nın sədri Cəmil Həsənlinin "müxalifətin Dədə Qorqudu" obrazına girərək oradan çıxa bilməməsi, Müsavat başqanı adını daşıya bilməyib bu statusu kommunal təsərrüfat müdirinə çevirən Arif Hacılının binəva açıqlamaları və daha nələr...

YouTube kanalları yaradıb "cəsarət" göstənlər isə ümumiyyətlə, təkamül prosesindən bixəbər qalaraq Qalapaqosdan hay verənlərdi sanki.

Onlar bizim müxalifətçilərdi.

Hər şeyi və hər kəsi öz maraqlarının geniş çuxurunun sonundakı dar dəlikdən görən, Poliqraf Poliqrafovuçun yerli klonlarına dönən, 1990-cı illərdə ilişib qalan və elə o illərin şüarları ilə bağıran marginal adamlar.

Budur bizim müxalifət?

Elçin Alıoğlu Son.az

“CinemaPlus Amburan” kinoteatrında “Kino Gecəsi”  VİDEO like
  • 03 İyl 15:05  
Digərləri “CinemaPlus Amburan” kinoteatrında “Kino Gecəsi” VİDEO

İyul ayının 6-dan 7-nə keçən gecə "CinemaPlus Amburan Mall" kin

arrow Ətraflı
Binəqədidə əl qumbarası aşkarlandı like
  • 03 İyl 15:01  
Digərləri Binəqədidə əl qumbarası aşkarlandı

Fövqəladə Hallar Nazirliyinin (FHN) "112" qaynar telefon xəttinə,

arrow Ətraflı
Göyçayda "VAZ" aşdı, 3 nəfər ağır vəziyyətdə xəstəxanaya yerləşdirildi like
  • 03 İyl 15:00  
Digərləri Göyçayda "VAZ" aşdı, 3 nəfər ağır vəziyyətdə xəstəxanaya yerləşdirildi

Göyçay rayonunda baş verən yol qəzasında 3 nəfər xəsarət alıb.

arrow Ətraflı
Şarl Mişel Avropa İttifaqı Şurasının yeni prezidentidir like
  • 03 İyl 14:59  
Dünya Şarl Mişel Avropa İttifaqı Şurasının yeni prezidentidir

Bir qədər əvvəl yayılmış məlumata görə, Avropa Komissiyasının yeni s

arrow Ətraflı
Bakıda “Sosial müdafiə və dayanıqlı inkişaf” mövzusunda konfrans keçirilir (FOTO) like
  • 03 İyl 14:57  
Digərləri Bakıda “Sosial müdafiə və dayanıqlı inkişaf” mövzusunda konfrans keçirilir (FOTO)

“Sosial müdafiə və dayanıqlı inkişaf” mövzusunda konfrans öz işinə

arrow Ətraflı
Ağsuda 4 kəndə ilk dəfə qaz verilib like
  • 03 İyl 14:56  
Digərləri Ağsuda 4 kəndə ilk dəfə qaz verilib

Ağsu rayonunun Zarqava, Qırlar, Quzay, Kövlüc və Sanqalan yaşayış mənt

arrow Ətraflı
Hacıqabulda evdən 25 min manatdan artıq pul və qızıl oğurlandı like
  • 03 İyl 14:52  
Kriminal Hacıqabulda evdən 25 min manatdan artıq pul və qızıl oğurlandı

Hacıqabulda evdən 25 min manatdan artıq pul və qızıl oğurlanıb.

arrow Ətraflı
Boşandığı arvadına zəng edəndə kişi səsi eşitdi, bıçaqladı like
  • 03 İyl 14:47  
Kriminal Boşandığı arvadına zəng edəndə kişi səsi eşitdi, bıçaqladı

Bakı Ağır Cinayətlər Məhkəməsinə qəsdən adam öldürməyə cəhddə t

arrow Ətraflı
Antalyada avtoqəza - Əcnəbi turistlər yaralandı like
  • 03 İyl 14:45  
Digərləri Antalyada avtoqəza - Əcnəbi turistlər yaralandı

Türkiyənin Antalya vilayətində yol-nəqliyyat hadisəsi baş verib.

arrow Ətraflı
"Qarğışım Aysel Əlizadəni tutdu" like
  • 03 İyl 14:43  
Şou-biznes "Qarğışım Aysel Əlizadəni tutdu"

Son.az şairə Nazilə Səfərlinin axşam.az-a müsahibəsini təqdim edir.

arrow Ətraflı
Avropa Parlamenti sədrini seçə bilməyib - SƏBƏB like
  • 03 İyl 14:40  
Digərləri Avropa Parlamenti sədrini seçə bilməyib - SƏBƏB

Avropa Parlamentinin sədri seçkilərində dörd namizəddən heç biri mütlə

arrow Ətraflı
Ruhani ABŞa: "Niyə regionda odla oynayırsız?" like
  • 03 İyl 14:38  
Dünya Ruhani ABŞa: "Niyə regionda odla oynayırsız?"

ABŞ regionda "odla oynamağ"a 1 il əvvəl başlayıb.

arrow Ətraflı
Keçmiş MTN zabiti yenə məhkəməyə gəlmədi like
  • 03 İyl 14:33  
Digərləri Keçmiş MTN zabiti yenə məhkəməyə gəlmədi

Bakı Hərbi Məhkəməsində hədə-qorxu ilə pul tələb etməkdə təqsirlə

arrow Ətraflı