"06" aşdı: 3 nəfər ağır vəziyyətdə xəstəxanaya yerləşdirildi
Digərləri 03 İyl 2019 15:14:00 198 0
Göyçay rayonunda baş verən yol qəzasında 3 nəfər xəsarət alıb.
Son.az Trend-ə istinadən bildirir ki, hadisə rayonun Alpout kəndi ərazisində qeydə alınıb.
Kənd ərazisində hərəkətdə olan "VAZ-2106" markalı avtomobil yüksək sürət nəticəsində idarəetmədən çıxaraq aşıb.
Hadisə nəticəsində avtomobildə olan 3 nəfər - rayonun Qaraxıdır kənd sakinləri, 1995-ci il təvəllüdlü Abdullayev Salam Əliyar oğlu, 1995-ci il təvəllüdlü Əhmədov Elşən Mehman oğlu və 1995-ci il təvəllüdlü Xudaverdiyev Mehdi Sədiyar oğlu müxtəlif dərəcəli bədən xəsarətləri ilə Göyçay Rayon Mərkəzi Xəstəxanasına yerləşdiriliblər. Hazırda hər 3 xəstənin vəziyyəti ağır qiymətləndirilir.
Faktla bağlı araşdırma aparılır.
Mənbə: milli.az