Fransaya medal qazandıran boksçu Murad Əliyev: "Hara getsəm də, azərbaycanlıyam"
İdman 01 İyl 2019 11:50:00 246 0
Fransa adından çıxış edən azərbaycanlı boksçu Murad Əliyevin müsahibəsi:
– II Avropa Oyunlarının +91 kq çəki dərəcəsində gümüş medal qazandınız. Görüşlə bağlı fikirlərinizi bilmək istərdim...
– Çox sevinirəm ki, finala kimi gəldim, çox çətin yol keçdim. Finaldakı rəqibim Viktor Vixrist 2017-ci ilin Avropa çempionu idi. Bütün gücümü ortaya qoysam da, alınmadı. Gələcək üçün daha da gücümü artıracağam ki, medal götürüm.
– Qələbə üçün nə çatışmadı?
– Onun təcrübəsi məndən çox idi. Mən isə yeni boksçuyam. Böyük səhnədə məni tanımırdılar. 23 yaşım var. Yenicə tanınmağa başlayıram.