Bakı. Xeyrəddin Nəsirzadə - 2020-ci ildə Azərbaycanda sığorta yığımları bir milyard manatı keçəcək. Trend-in məlumatına görə, bunu İqtisadi İslahatların Təhlili və Kommunikasiyalar Mərkəzinin icraçı direktoru Vüsal Qasımlı Maliyyə Bazarlarına Nəzarət Palatasının dəstəyi, Azərbaycan Sığortaçılar Assosiasiyasının və İcbari Sığorta Bürosunun təşkilatçılığı ilə Bakıda keçirilən “Azərbaycanda sığorta bazarı: trendlər və imkanlar” adlı IX Beynəlxalq Sığorta Forumunda deyib. O qeyd edib ki, ötən il sığorta şirkətlərinin 728 milyon manat həcmindəki ümumi yığımları ölkə ümumi daxili məhsulunun bir faizini təşkil etməyib: