Son.az medicina.az-a istinadən bildirir ki, Bağırsaqlarda meydana gələn iltihab bakteriya və virus kimi mikroorqanizmlərdən qaynaqlanır. Onların bağırsaqda çoxalması infeksiyaya səbəb olur. İstirahət zonalarında hökm sürən antisanitariya, kafelərdə satılan ayaqüstü yeməklər, mənşəyi bəlli olmayan ətlərdən hazırlanmış dönərlər əsl infeksiya mənbəyidir.   Çimərliklərin suyu, səyyar satıcıların satdıqları, soyuducudan bir neçə saat kənarda qalan qida məhsulları birbaşa xəstəlik mənbəyidir. Belə xoşagəlməz hallarla qarşılaşmamaq üçün yeyilən qidalara diqqət yetirmək lazımdır.   Suyu ekspertizadan keçməyən çimərliklərdə çimmək olmaz. Yuyulmamış meyvələrin qəbulu, vaxtından tez yetişdirilmiş meyvələr də bağırsaq infeksiyalarına səbəb ola bilər. Bağırsaq infeksiyasına yoluxmuş xəstələrdə aşağıakı əlamətlər özünü göstərir:   - qusma - ürəkbulanma - ishal   Bu əlamətlərin hansısa biri baş verərsə, tez bir zamanda həkimə müraciət etmək lazımdır.