Baş nazirin müavini: Azərbaycan qaçqınlarının sayına görə yəqin ki, ən gərgin və ciddi tədbirlərin görülməsinə ehtiyac olan ölkələrdən biridir
Digərləri 20 İyn 2019 16:00:00 150 0
Azərbaycan qaçqınlarının sayına görə yəqin ki, ən gərgin və ciddi tədbirlərin görülməsinə ehtiyac olan ölkələrdən biridir.
Bakı. İlhamə İsabalayeva -
Azərbaycan qaçqınlarının sayına görə yəqin ki, ən gərgin və ciddi tədbirlərin görülməsinə ehtiyac olan ölkələrdən biridir.
Trend-in məlumatına görə, bunu baş nazirin müavini, YAP-ın icra katibi Əli Əhmədov deyib.
Ə.Əhmədovun sözlərinə görə, beynəlxalq təşkilatlar, ilk növbədə ATƏT-in Minsk qrupu münaqişənin nizama salınması istiqamətində səylərini artırmalıdır ki, Azərbaycanın məcburi köçkün vəziyyətində olan əhalisi yaxın zamanlarda öz yurd-yuvalarına qayıtsın.
Azərbaycanın çoxlu sayda qaçqınları olan ölkələrdən biri olduğunu nəzərə çatdıran Ə.Əhmədov deyib ki, vəziyyətin belə ağır olmasına baxmayaraq, beynəlxalq təşkilatlar münaqişənin tənzimlənməsi və məcburi köçkünlərin öz yurd-yuvalarına qayıtması üçün effektiv addımları bu günə qədər görə bilməyiblər:
"2018-ci ilin sonuna olan məlumata görə, dünyada 70 milyondan çox qaçqın və məcburi köçkün yaşayır. Bu da dünya əhalisinin 1 faizini təşkil edir, Azərbaycanda isə 1 milyon qaçqın və məcburi köçkün yaşayır və bu da ölkə əhalisinin 10 faizidir. Bu vəziyyət 30 ilə yaxındır ki, davam etməkdədir".
Trend-in ən mühüm və maraqlı xəbərlərini "Telegram"da izləyin
Mənbə: az.trend.az