Bakı. Samir Əli - Aprel döyüşləri zamanı Ermənistan ordusunda vəziyyətin aclnacaqlı olmasının bir daha şahidi olduq. Trend-in məlumatına görə, bunu Müdafiə Nazirliyinin şöbə müdiri Rauf Dəmirov deyib. O bildirib ki, Aprel döyüşlərində bir daha onların biabırçı vəziyyətdə olduqları bilindi: "Aprel döyüşlərində həlak olan erməni əsgərlərini onlara təhvil verəndə meyiti sürüyə-sürüyə aparırdılar. Biz bu hadisədən şoka düşdük. Çünki onlar Ermənistan tərəfindən döyüşən əsgər idi. Amma bizim pilotlarımızın olduğu təyyarə vurulanda meyitlər qarşı tərəfdən təhvil alınarkən hərbi təzimlə çiyin bərabərində qaldırılaraq sıra adddımı ilə maşına tərəf aparıldı. Bu isə ermənilərdə böyük şok yaratdı".