"Rəbbiniz buyurdu: "Məni çağırın ki, Mən də duanızı qəbul edim"". ("Ğafir" 60).

Allah buyurur ki, bəndələrim dua etsin ki, Mən də yerinə yetirim. İmam Əli (ə) buyurur: "Bəla dalğalarını daxil olmadan əvvəl, duanın vasitəsilə özünüzdən dəf edin".

Son.az deyerler.org-a istinadən bildirir ki, İmam (ə) başqa yerdə buyurur: "O kəs ki, əməlsiz dua edər, kamanı olmadan ox atana bənzəyər".

Bir gün Allah Təala Həzrət Musaya (ə) buyurur: "Məni elə bir dillə çağır ki, günah etməmiş olsun". Musa (ə) deyir: "Mən günahkaram və belə bir dilim yoxdur". Allah buyurur: "Məni başqalarının dili ilə çağır. Ona görə də başqalarına o qədər mehribanlıq et ki, sənə görə xeyir dua etsinlər. Mən insanların başqaları haqqında etdiyi duaları qəbul edərəm".

Duanın şərtləri:

1. Qəlb hüzuru.

2. Təvazökarcasına.

3. Ümid edərək.

4. Allahı tanıyaraq, Onun qüdrətinə və elminə etiqad bəsləyərək.

5. Allaha ümid etmək və başqalarından ümidi kəsmək.

6. Günahdan çəkinərək.

7. Ağlayaraq.