Keçmiş icra başçısının otlaq sahəsi yandı
Digərləri 18 İyn 2019 18:10:00 274 0
Abşeronda bu gün səhər saatlarında Qobustanın keçmiş icra başçısı Əlisəfa Cəbiyevə məxsus qış otlaq sahəsi yanıb.
Son.az qafqazinfo-ya istinadən xəbər verir ki, 200 hektarlıq ərazi mal-qara qışlağı kimi istifadə olunub. Səhər saatlarında isə otlaqda yanğın başlayıb. Yanğın rayon yanğından mühafizə xidmətinin əməkdaşları tərəfindən söndürülüb.
Qeyd edək ki, sabiq başçı sözügedən otlaqda mal-qara saxlasa da, hazırda heyvanlar yaylaqdadır.
Xatırladaq ki, Ə. Cəbiyev 2001-2005- ci illərdə Qobustan Rayon İcra Hakimiyyətinin başçısı vəzifəsində çalışıb.
Mənbə: milli.az