Bakı. Elnur Bağışov - İranın seldən zərərçəkən bəzi bölgələrində dəri və yoluxucu xəstəliklərin yayılması ehtimalı var. Trend-in məlumatına görə, bunu İranın Qırmızı Aypara Cəmiyyətinin sədri Əli Əsğər Peyvəndi deyib. Ə.Peyvəndinin sözlərinə görə, Qırmızı Aypara Cəmiyyətinin vəzifəsi insanları xilasetmə, yardım, ərzaqla və müvəqqəti sığınacaqlarla təmin etməkdir. Cəmiyyət sədri əlavə edib ki, müxtəlif vilayətlərdə hələ də zəruri müalicə işləri sona çatmayıb.