Real "yapon Messi"ni transfer etdi - RƏSMİ
İdman 14 İyn 2019 15:05:00 252 0
Yay transfer dönəminin ən fəal komandası olan Real növbəti oyunçunu heyətinə qatıb.
Goal.az-ın klubun rəsmi saytına istinadən məlumatına görə, "kral klubu" Yaponiya yığmasının yarımmüdafiəçisi Takefusa Kubo ilə anlaşıb.
2016-cı ildən ölkəsində Tokio klubunun şərəfini qoruyan 18 yaşlı hücumameyilli oyunçu "kral klubu" ilə 5 illik müqavilə imzalayıb. Kubonu 2011-2015-ci illərdə aşağı yaş qrupunda oynadığı "Barselona" da qaytarmaq istəyirdi. Lakin oyunçu kataloniyalıların əzəli rəqibini üstün tutub. Futbolçu əvvəlcə Real-ın əvəzedici komandası sayılan Castilla-da çıxış edəcək.
Qeyd edək ki, Real Kuboya qədər bu yay Eden Azar, Luka Yoviç, Militao, Rodriqo və Ferlan Mendini heyətinə qatmışdı.
Mənbə: goal.az