“Dünyanın xilaskarı” ərəb şahzadəsinin yaxtasındadır


Digərləri 11 İyn 2019 08:38:00 201 0

“Dünyanın xilaskarı” ərəb şahzadəsinin yaxtasındadır

Dünyanın ən bahalı rəsm əsəri olan Leonardo da Vinçinin "Dünyanın xilaskarı" (Salvator Mundi) Səudiyyə Ərəbistanının varis şahzadəsi Məhəmməd bin Salman Əl Səudun yaxtasında saxlanılır.

Son.az oxu.az-a istinadən bildirir ki, da Vinçinin əsəri Əl-Uledə şəhərinin mədəniyyət mərkəzi inşa olunana qədər şahzadənin gəmisində saxlanılacaq.

Xatırladaq ki, daha əvvəl "Dünyanın xilaskarı"na rusiyalı milyonçu Dmitri Rıbolovlev sahiblik edirdi. 2017-ci ildə o, sənət əsərini Nyu-Yorkun "Christie's" hərracında satışa çıxarıb. Həmin vaxt anonim şəxs rəsm üçün 450,3 milyon dollar ödədi. İki həftə ötəndən sonra "The New York Times" xəbər tutdu ki, anonim alıcı Səudiyyə Ərəbistanının varis şahzadəsi olub.

"Dünyanın xilaskarı" əsərində əlində yer kurəsini tutan İsa peyğəmbər (ə) təsvir edilib.