Azərbaycanda 3 uşağın öldüyü partlayışa görə vəzifəli şəxslərə cinayət işi açıldı


Digərləri 10 İyn 2019 19:34:00 244 0

Azərbaycanda 3 uşağın öldüyü partlayışa görə vəzifəli şəxslərə cinayət işi açıldı

Masallıda 3 uşağın ölümü ilə nəticələnən partlayışa görə "Azəriqaz"ın vəzifəli şəxsləri cinayət işinə cəlb olunub.

Son.az qafqazinfo-ya istinadən xəbəər verir ki, partlayışla bağlı xidmət rəisi İdrak Əsədli, xidmət mühəndisi Əlpənah Əhədov və nəzarətçi çilingər Məhəmməd Nuriyev təqsirləndirilən şəxs qismində cinayət işinə cəlb olunub. Lakin onların heç biri istintaq dövründə həbs edilməyib.

Baş Prokurorluğun Mətbuat Xidmətindən "Qafqazinfo"ya bildirilib ki, həmin hadisə ilə bağlı cinayət işinin istintaqı yekunlaşıb və martın 7-də baxılması üçün aidiyyatı üzrə Masallı rayon məhkəməsinə göndərilib.

Xatırladaq ki, ötən ilin dekabr ayında rayonun Sığıncaq kəndində baş verən qaz sızması nəticəsində 13 yaşlı Əli Müseyibov, 8 yaşlı qardaşı Məhəmməd Müseyibov və dayısı oğlu 12 yaşlı Sənan Kərimov dünyasını dəyişib.