Bakı. Çinin cənubunda leysan yağışları dağıntı və insan tələfatına səbəb olub. Trend-in məlumatına görə, Quansi-Çjuan muxtar rayonunda aramsız yağışlar nəticəsində 5 nəfər ölüb, 1 nəfərin isə itkin düşdüyü bildirilir. Ümumilikdə təbii fəlakət zonasında 180 min yerli əhalinin qaldığı deyilir. 8 min sakin təhlükəsiz yerlərə təxliyə edilib. Leysan yağışlar 5 min hektar kənd təsərrüfatı ərazisini də məhv edib, rayonun elektrik təchizatına və yol infrastrukturuna ziyan vurub. Bir neçə körpü dağılıb.