Bu, qadın orqanizmində baş verən hormonal dəyişikliklərin və psixoloji durumun qeyri-stabilliyinin nəticəsidir. Doqquz aylıq gözləmə dövrü artıq geridə qalmışdır. Bu dövrdə qadın əsəbi gərginlik keçirmiş, qorxu içində yaşamışdır. Buna görə də qadın narahatdır, üzgündür, hər dəqiqə ağlamağa hazırdır.

Əgər depressiya doğum evində başlayıbsa, bu haqda həkimə demək lazımdır. O, bu vəziyyətdən çıxmağa yardımçı olacaq. Əgər evdə depressiyaya düşmüşsüzsə, gücünüz bərpa olunana qədər körpəyə qulluq etməkdə sizə yardımçı olan bir şəxsə ehtiyacınız olacaq.

Depressiya gözlənilmədən başlandığı kimi, gözlənilmədən də keçib gedir. Əgər bu vəziyyət 2 həftədən artıq çəkərsə və yuxusuzluq, iştahasızlıq, ümidsizlik, körpəyə qarşı aqressiv münasibətlə müşayiət olunarsa, həkimə müraciət edin!