Nazirlik: Builki iyun ayının temperaturu iyul, avqust üçün səciyyəvidir
Digərləri 04 İyn 2019 16:54:00 195 0
Bu ilin iyun ayında müşahidə edilən temperatur göstəriciləri daha çox iyul, avqust ayları üçün səciyyəvidir.
Bakı. İlhamə İsabalayeva -
Bu ilin iyun ayında müşahidə edilən temperatur göstəriciləri daha çox iyul, avqust ayları üçün səciyyəvidir.
Trend-in məlumatına görə, bunu Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva deyib.
Onun sözlərinə görə, bu il iyun ayı üçün verilən proqnozda onun həmişəkindən isti olacağı deyilmişdi:
"Bu il iyun ayının ilk günlərindən ölkə ərazisində hava şəraiti isti keçir. Müqayisə aparsaq görərik ki, çoxillik norma göstəricilərində havanın temperaturu regiondan asılı olaraq, 5-7 dərəcə yüksəkdir.
Keçən ilin iyun ayının ilk günlərində Bakıda havanın temperaturu 24-25 dərəcə təşkil edirdi. Bu ilin iyun ayında isə keçən illə müqayisədə temperatur 8-10 dərəcə yüksəkdir. Hazırda Bakıda 35 dərəcə isti müşahidə olunur. Həftənin sonuna qədər hava şəraitində ciddi dəyişiklik olmayacaq və temperatur yüksək olacaq".
Mənbə: az.trend.az