Heydər Əliyev Mərkəzinin parkında “İnnoFest Village” təşkil edilib FOTO


Digərləri 01 İyn 2019 18:38:04 184 0

Heydər Əliyev Mərkəzinin parkında “İnnoFest Village” təşkil edilib  FOTO

İyunun 1-də "İnnovasiya Festivalı" çərçivəsində Heydər Əliyev Mərkəzinin parkında "İnnoFest Village" təşkil olunub.

Son.az bildirir ki, Trend-in Nəqliyyat, Rabitə və Yüksək Texnologiyalar Nazirliyinə istinadən verdiyi məlumata görə, nazir Ramin Quluzadə, Gənclər və İdman naziri Azad Rəhimov Heydər Əliyev Mərkəzinin direktoru Anar Ələkbərovla birgə "İnnoFest Village"də İnnovasiyalar Agentliyi tərəfindən innovativ məhsul və xidmətlərin, startapçıların uğurlu tətbiqlərinin nümayiş olunduğu, VR oyunlar, dronlarla, robotlarla iş imkanı yaradan təlimlərin keçirildiyi, əyləncə zonası ilə təchiz edilmiş "Robopark" pavilyonunda olublar.

Bir neçə zonadan ibarət olan pavilyonda "Mars Academy" tərəfindən gələcəyin yenilikçi texnologiya mühəndislərinin yetişməsinə töhfə vermək, kiçik yaşlardan bu sahəyə maraq aşılamaq məqsədilə STEAM (Science, Technology, Engineering, Art, Math - Elm, Texnologiya, Mühəndislik, İncəsənət, Riyaziyyat) təhsil proqramları barədə məlumatlar təqdim edilir. Proqramın hədəfi peşə seçimi mərhələsinə gəlib çatmış gənclərə özlərini müxtəlif peşələrdə sınamaqda, eləcə də düzgün seçim etməkdə kömək olmaqdır. Bundan başqa, "Azercell" şirkətinə məxsus əyləncə zonasında interaktiv oyunlar, şirkətin göstərdiyi xidmətlərlə yanaşı, internet təhlükəsizliyi ilə bağlı məlumatlar təqdim olunur.

Həmçinin, Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "Azərmarka" MMC tərəfindən keçirilən 1 iyun - Uşaqların Beynəlxalq Müdafiəsi Gününə həsr olunmuş "Gələcək" mövzusunda rəsm müsabiqəsinin qalibləri də "İnnoFest Village"də elan edilib.