Siyəzəndə ağır qəza:
Digərləri 31 May 2019 17:33:00 227 0
Siyəzən rayonunda ağır yol qəzası baş verib.
Son.az qafqazinfo-ya istinadən xəbər verir ki, hadisə Bakı-Quba-Rusiya yolunun Siyəzən rayonu ərazisində qeydə alınıb.
Belə ki, 45 yaşlı Yaşar Əliyevin idarə etdiyi "Mercedes" markalı avtomobil idarəetməni itirərərək yol kənarına aşıb. Nəticədə nəqliyyat vasitəsindəki sərnişinlər: Bakı şəhər sakini, 71 yaşlı Larisa İvanovna Lapina və Şabran rayonunun Ağalıq kənd sakini, 27 yaşlı Mövlud Əmiraslanov hadisə yerində ölüb.
"Mercedes"də olan digər sərnişin - Bakı şəhər sakini, 31 yaşlı Nərmin Hacıbalayeva müxtəlif dərəcəli bədən xəsarətləri ilə Siyəzən Regional Müalicə Diaqnostika Mərkəzinə çatdırılıb.
Faktla bağlı araşdırma aparılır.
Mənbə: milli.az