Son.az deyerler.org-a istinadən bildirir ki, tövbəni qoca və ahıl yaşınıza saxlamayın. Deməyin ki, hələ cavanıq, vaxt vardır. O zaman fürsət olmaya bilər. Bu, şeytanın vəsvəsəsidir ki, işini axıra saxla, indi eləmə. Çünki şeytan o biri aləmə imanla getməyimizi istəmir. Ona görə də bütün peyğəmbərlərin (ə) dəvətlərini vəsəvəsə ilə insanlardan uzaqlaşdırmağa çalışmışdır.

Daxili şeytanınızı tanıyın. Xarici şeytanı da tanıyın. İnsan düşməni tanımayınca, onunla mübarizə apara bilməz. İnsanın daxili şeytanı adamın özüdür.

Namaz bütün günahların kökünü yandırar. Namaza ciddi diqqət etmək cəmiyyətdə rahatlıq və sakitlik yaradar. Əgər Allahın zikrini namazla bir yerdə iqamə edəriksə, rahatlıq bizə geri qayıdar. Sübhan Allah buyurur ki, hər kəs Allahın zikrindən qafil olarsa, çətin bir həyata düçar olar. Ona görə Allahı zikr edək və günahların kökünü qurudaq.