Bakı. Fəxri Vəkilov - “Cənub Qaz Dəhlizi” Avropanın enerji nəqlinin şaxələndirilməsi üzrə səylərinin reallaşdırılmasında həlledici rol oynaya bilər. Trend-in məlumatına görə, bunu ABŞ-ın Dövlət katibi köməkçisinin birinci müavini Kent Loqston XXVI Beynəlxalq “Xəzər Neft və Qaz” sərgi və konfransı zamanı deyib. O bildirib ki, “Cənub Qaz Dəhlizi” layihəsinin reallaşdırılmasında Azərbaycanın uğurları ölkəyə yeni və etibarlı gəlir mənbəyi təqdim edir: “ABŞ bu layihəni qətiyyətlə dəstəkləyir. Biz qəbul edirik ki, bu layihə Avropanın enerji nəqlinin şaxələndirilməsi üzrə səylərinin reallaşdırılmasında həlledici rol oynaya bilər”.