2019-2025-ci illərdə sosial xidmətlərin inkişafına dair Milli Strategiya hazırlanır


Digərləri 23 May 2019 13:24:00 197 0

2019-2025-ci illərdə sosial xidmətlərin inkişafına dair Milli Strategiya hazırlanır

2019-2025-ci illərdə sosial xidmətlərin inkişafına dair Milli Strategiya hazırlanır

Bakı. İlhamə İsabalayeva - 2019-2025-ci illərdə sosial xidmətlərin inkişafına dair Milli Strategiya hazırlanır və bu sənəd layihəsi müvafiq qurumlarla razılaşdırılmaqdadır. Trend-in məlumatına görə, bunu Əmək və Əhalinin Sosial Müdafiəsi nazirinin müavini Anar Kərimov "Azərbaycanda qadına qarşı zorakılığın iqtisadi nəticələri" adlı tədbirdə deyib. Onun sözlərinə görə, hazırda Azərbaycanda 10 qeyri-dövlət mərkəzi akkreditə olunub. Onlardan 6-sı Bakıda, 3-ü Gəncədə, 1-i Sumqayıtdadır. Bu mərkəzlərdə 1200-ə yaxın şəxsə sosial xidmətlər göstərilir. Nazir müavini hesab edir ki, regionlarda da bu mərkəzlərin yaradılmasına ehtiyac var: "Zorakılıq halları yalnız böyük şəhərlərdə deyil, regionlarda, ucqar kəndlərdə də baş verir. Bu baxımdan bütün ölkədə qadınların ailələrdə sosial müdafiəsi gücləndirilməlidir. Son zamanlar qadınların biznes sahəsindəki fəallığını nəzərə alaraq, onların biznes imkanlarının əlçatanlığı üçün şərait yaradılmalıdır". Trend-in ən mühüm və maraqlı xəbərlərini "Telegram"da izləyin