Ölkədə 3 mindən çox xəstə buynuz qişanın transplantasiyası əməliyyatını gözləyir
Digərləri 23 May 2019 07:45:00 200 0
Hazırda Zərifə Əliyeva adına Milli Oftalmologiya Mərkəzində buynuz qişanın patologiyasından əziyyət çəkən 3 mindən çox xəstə qeydiyyatdadır və onlar buynuz qişanın transplantasiyası əməliyyatını gözləyir.
Bakı. İlhamə İsabalayeva -
Hazırda Zərifə Əliyeva adına Milli Oftalmologiya Mərkəzində buynuz qişanın patologiyasından əziyyət çəkən 3 mindən çox xəstə qeydiyyatdadır və onlar buynuz qişanın transplantasiyası əməliyyatını gözləyir.
Trend-in məlumatına görə, bunu Milli Oftalmologiya Mərkəzinin (MOM) şöbə müdiri, oftalmoloq-cərrah Fidan Ağayeva deyib.
O, əslində bu xəstələrin sayının daha çox olduğunu söyləyib.
F.Ağayeva qeyd edib ki, ötən ilin oktyabrından etibarən MOM-da buynuz qişanın transplantasiyası əməliyyatlarına başlanılıb: "Ötən müddətdə 40-a yaxın şəxs üzərində buynuz qişanın transplantasiyası əməliyyatı aparılıb. Əməliyyat üçün lazım olan göz buynuzu transplantı Ümumdünya Göz Bankı ilə imzalanan müqaviləyə əsasən, ölkəmizə ABŞ-dan gətirilir. Əvvəllər bu əməliyyatlar Azərbaycanda aparılmadığından, xəstələrimiz xarici ölkələrə üz tutmağa məcbur olurdular".
Mənbə: az.trend.az