Son.az oxu.az-a istinadən bildirir ki, "Audi Q7 " markalı avtomobil elektrik dirəyinə dəyərək, iki yerə parçalanıb.  Qəza baş verərkən avtomobil saatda 200 kilometr  sürətlə hərəkət edirmiş.

Qəza anının görüntüləri olmasa da, qəzadan sonrakı görüntülər hadisə barədə fikir yürütməyə imkan verir. Şəkillərdən aydın göründüyü kimi, lüks minik maşını sürətlə  yol kənarındakı dirəyə dəyərək  iki yerə bölünüb. Oturacaqlardan biri qoparaq yola düşüb.

Ən maraqlısı budur ki, avtomobilin salonunda qan izi yoxdur. Hadisə şahidlərinin dediyinə görə, sürücü və yanındakı sərnişin bu qəzadan sağ-salamat qurtarıb və hadisə yerindən qaçaraq gizləniblər. Bəzi şahidlər isə sürücünün tək olduğunu bildiriblər.