Bakıda quraşdırılan Formula 1 avadanlıqlarının sökülməsi NƏ VAXT yekunlaşacaq? (ÖZƏL)


Digərləri 16 May 2019 12:41:00 223 0

Bakıda quraşdırılan Formula 1 avadanlıqlarının sökülməsi NƏ VAXT yekunlaşacaq? (ÖZƏL)

Formula 1 yarışı ilə bağlı Bakıda quraşdırılan avadanlıqların sökülməsinin yekunlaşacağı vaxt bilinib

Bakı. Elçin Mehdiyev - 26-28 aprel tarixlərində Bakıda keçirilən Formula 1 Azərbaycan Qran prisi ilə bağlı quraşdırılan avadanlıqların bir hissəsi artıq sökülüb. Bunu özəl olaraq Trend-ə Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai deyib. N.Arpadarai bildirib ki, yarış bitdikdən dərhal sonra artıq avadanlıqların sökülməsinə başlanılıb. Onun sözlərinə görə, küçələrin bir qismi artıq təmizlənib, avadanlıqlar sökülərək anbara aparılır. Şöbə rəhbəri vurğulayıb ki, bu işlərin təqribən bir aya yekunlaşdırılması nəzərdə tutulur: “Təqribən bir ay sonra növbəti yarışın keçirilməsinə hazırlaşacağıq. Hər zaman olduğu kimi çalışacağıq ki, növbəti Qran Pridə də yeniliklər edək, tamaşaçılar üçün maraqlı olsun”. O qeyd edib ki, növbəti yarışın gələn ilin yay aylarında keçirilməsi nəzərdə tutulur, lakin dəqiq tarixi müəyyənləşdirmək üçün danışıqlar aparılır.