Dua, insanın sağlamlığına müsbət fiziki təsir göstərir
Digərləri 14 May 2019 23:50:00 269 0
Dua - möminin silahı və ruhun qidasıdır. Fərqi yoxdur ki, kimin üçün dua edirsiniz. Özünüz üçün, yoxsa başqaları üçün. O zaman ki, insan xəlvətə çəkilər və zehnini hər bir məşğuliyyətdən təmizləyib, Allahla raz-niyaz edər - bütün bu əməllər onun həm cisminə və həm də ruhuna müsbət təsirlər qoyar.
Duanın cismə və ruha qoyduğu faydalar:
1. İnsanın özünü kontrolu gücləndirər. Alimlərin dediyinə görə, bizim idrak enerjimiz, cismi erejimiz kimi məhduddur. Biz bunu günün sonunda müşahidə edirik. Görürük ki, artıq heç bir iş görməyə qüdrətimiz çatmır. Aparılan tədqiqatlar göstərmişdir ki, dua və ibadət yorğunluq ilə mübarizə apara bilər. Bu tədqiqatda insanlar gündəlik işlərini görməzdən əvvəl bir qədər dua və ibadət edərdilər.
Günün sonunda görərdilər ki, gün ərzində yerinə yetirdikləri işləri ən yaxşı şəkildə görüblər və yorğunluqları da çox az həddədir.
2. Rabitələri gücləndirər. Dua, bizim rabitələrimizə də təsir qoya bilər. Tədqiqatlar göstərmişdir ki, o zaman insan başqası haqqında dua edir, həmin şəxsə qarşı sevgi və məhəbbət hissi güclənir. Ona görə də dinimiz tövsiyə edir ki, həyat yoldaşları, din qardaşları bir-birinə görə dua etsinlər. Nəticədə dua insanları bir-birinə yaxınlaşdırar və aralarında olan anlaşılmazlıqları aradan aparar.
3. Stressə qalib gəlməyə yardım edər. Aparılan tədqiqatlar göstərmişdir ki, yaşları yuxarı olan insanların 96%-i dua vasitəsilə stressə qalib gəlirlər. Bu insanlar arasında dua - sağlamlıqlarını qorumaq üçün ən yaxşı dərmandır.