Niderland Müqavimət Hərəkatının azərbaycanlı qəhrəmanının qızı Bakıda səfərdə olub FOTO
Digərləri 11 May 2019 17:34:00 458 0
Nancy Mamedova Dumen (Nənəxanım Məmmədova) və ya sadəcə Nancy Doomen Niderland Müqavimət Hərəkatının görkəmli nümayəndələrindən biri, "Cəngavər" titulu almış, bu ölkənin Kral ailəsinin fəxri üzvü, Osterveyk şəhərinin ilk fəxri vətəndaşı, Zaqatala rayonunun Muğanlı kəndində anadan olmuş Məmməd Məmmədovun qızıdır.
Diasporla İş üzrə Dövlət Komitəsi qəhrəmanın qızının ailəsi ilə birlikdə ölkəmizə səfərini təşkil edib.
Komitədən Son.az-a verilən məlumata görə, Məmməd Məmmədovun fəxri vətəndaşı olduğu və abidəsinin ucaldığı Niderland Krallığındakı Osterveyk şəhərinin meri Yohanees Fransiskus Mariya Yansen də Azərbaycana dəvət olunan qonaqlar arasındadır.
Mayın 11-də Diasporla İş üzrə Dövlət Komitəsində nümayəndə heyəti ilə görüş keçirilib.
Qonaqları salamlayan Komitə sədri Fuad Muradov qəhrəman partizanın həyat və fəaliyyətindən danışıb, Azərbaycanın adını Niderlandda şərəflə yaşadan ailəyə təşəkkürünü bildirib.
Osterveyk şəhərinin meri Yohanees Fransiskus Mariya Yansen, Avropa Azərbaycanlıları Konqresinin prezidenti Sahil Qasımov və digər qonaqlar olduqca maraqlı və vacib görüşlə bağlı təəssüratlarını bölüşüblər.
Azərbaycanlı kimliyini daim yaşadan Nancy xanım və ölkəmizin dostu olan şəhər meri həm də mükafata layiq görülüblər. Dədə Qorqud Milli Fondu və "Azərbaycan dünyası" jurnalının birgə təsis etdiyi "Vətən övladı" medalı Nancy Doomenə, "Qızıl ürək" medalı isə Yohanees Fransiskus Mariya Yansenə təqdim edilib.
Xəbərə aid fotolar
