Bakı. Çin və ABŞ arasında səmimi və konstruktiv ticarət danışıqları baş tutub. Trend-in məlumatına görə, bu barədə Çin Mərkəzi Televiziyasına müsahibəsi zamanı ABŞ ilə ticarət danışıqlarında Çinin nümayəndə heyətinə rəhbərlik edən baş nazirin müavini Lyu Xe bildirib. L.Xe deyib: "Tərəflər açıq, konstruktiv danışıqlar apardı. Hər iki tərəf hesab edir ki, bu yaxşı tendensiyanı dəstəkləmək lazımdır. Tərəflər gələcəkdə Pekində görüşmək və məsləhətləşmələri davam etdirmək barədə razılığa gəliblər".