Dağlarda ilişib qaldı, canavarın qorxusundan bir həftə ot yedi
Dünya 09 May 2019 15:40:00 238 0
Çinli velosipedçi Tibetdə plato adlanan xüsusi dağlıq ərazini təkbaşına keçməyə çalışarkən özünü çətinliyə salıb. Fen Hao yetərincə ərzaq ehtiyatı götürməyib. Canavar sürüsü ilə qarşılaşandan sonra orada ilişərək qalıb.
Son.az bizimyol.info-ya istinadən xəbər verir ki, çinli bir həftə otla qidalanıb. Əslində, Fen Hao sevgilisi Lin Si və tanışı Li Çjisenlə bura gəlməliymiş. Məqsəd Çanqtan platosunu keçmək olub. Birlikdə yola çıxıblar. On gün sonra yoldaşları yorulub. Fen Hao qalan məsafəni tək qət edəcəyini bildirib. Bir az ərzaq götürən çinli yoluna davam edib.
Foto: Weibo
Bir müddət sonra sevgilisi və tanışı anlayıb ki, Fenin nəsə problemi var. Çünki ondan xəbər çıxmırmış. Polisə müraciət ediblər. Asayiş keşikçiləri onu iki həftə dayanmadan axtarıb. Velosipedçini Ulanyula gölünün yaxınlığında köhnə yük maşınında tapıblar. Fen burada canavarlara görə gizlənibmiş. Bir həftə əvvəl ərzaq ehtiyatı bitib, otun ümidinə qalıb.
Mənbə: milli.az