Litvanın ikili vətəndaşlıq verməyəcəyi ölkələrin siyahısı məlumdur, lakin onların adları hələ açıqlanmayıb. Ehtimal olunur ki, ilkin olaraq 10 ölkənin adı artıq bəllidir.

Son.az AZƏRTAC-a istinadən bildirir ki, Avratlantik inteqrasiyaya meyilli olmayan ölkələrin nümayəndələri Litvada ikili vətəndaş ola bilməyəcək. İkili vətəndaşlığın qəbulu isə mayın 12-də keçiriləcək referendumdan sonra məlum olacaq.

İkili vətəndaşlıq barədə qərar qəbul ediləcəyi təqdirdə 43 ölkənin vətəndaşı həm özlərinin, həm də Litvanın vətəndaşlığını daşıya biləcəklər.

Litva hökuməti mayın 12-dəki referendumun keçirilməsinə 2,5 milyard avro vəsait ayırıb.