Bakı. Panamada sol mərkəzçi İnqilabi Demokratik Partiyasından olan namizəd, keçmiş kənd təsərrüfatı naziri Laurentino Kortiso ölkədə keçirilən prezident seçkilərində qalib gəlib. Trend-in məlumatına görə, Seçki Komissiyası onun seçicilərin 33,07% səsini topladığını elan edib. Seçkilərdə ölkə əhalisinin 73 faizi iştirak etdiyi üçün seçki baş tutmuş sayılıb. Ümumilikdə 7 namizəd seçkilərdə iştirak edib.