"Aktyorluq uşaqlıqdan içimdə böyüyən bir xəyal idi" FOTO


Kriminal 05 May 2019 21:59:00 75 0

"Aktyorluq uşaqlıqdan içimdə böyüyən bir xəyal idi"  FOTO

Nəsiman Rüstəmzadə: İnsanların gözündəki yaş, dodağındakı gülüş olmaq mükəmməl bir duyğudur 

Son.az kaspi.az-a istinadən yazını təqdim edir.

Kino sənayesində yeni bir nəsil yetişir, o nəsil ki, komediya seriallarına baxır, tanınmaq üçün özlərini bu sferanın içində görür, can atır, çalışır, çabalayır. Bu aləmdə özlərini görməyən gənc aktyorlarımız isə onlara baxıb, hədəflərinin bu olmadığını gördükdə, məyusluğa düçar olurlar. Ancaq onlar arasında qarşısına məqsəd qoyub, ona doğru pillə-pillə irəliləməkdən qorxmayan gənclərimiz də az deyil. Müsahibim Nəsiman Rüstəmzadə də onlardan biridir.

Nəsiman 1994-cü il aprelin 23-də Naxçıvan şəhərinin Şahbuz rayonunda anadan olub. Naxçıvan Universitetinin "Beynəlxalq münasibətlər və xarici dillər" fakültəsini bitirib. Universiteti bitirdikdən sonra İzmir Ege Universitetində magistraturaya qəbul olunsa da, bundan imtina edib.  Vətənə borcunu yerinə yetirmək üçün hərbi xidmətə yollanıb. Hərbi xidməti kiçik çavuş rütbəsi ilə bitirib. Türkiyəyə gedəcəyi gün bu ölkədə dövlət çevrilişinə cəhd olunduğu üçün ailəsi ona Türkiyədə magistr təhsili almağaa icazə verməyib. Nəsiman Xəzər televiziyasında mühasibatlıq bölümündə işə başlayıb. Arzularının başqa olduğunu anladıqda, yenə Türkiyəyə üz tutub. Orada "Avlu", "Çarpışma", "Erkenci kuş" seriallarında epizodik rollara çəkilib. İndi "Netflix" serialının çəkilişlərinə hazırlaşdığını deyir:    - Uşaqlıqdan həmişə içimdən gələn səs mənə bir gün aktyor olacağımı deyirdi. Xəzər televiziyasında çalışarkən içimdəki bu hissə daha çox əmin oldum və o səsin ardınca getdim. Ssenari yazmağa başladım, amma yazmağın texniki tərəflərini mənə müəllimim Valeh Əhmədov öyrətdi. Həmin illər Xəzər televiziyasında "Ata ocağı" serialı təzə çəkilməyə başlayırdı və serialın rejissoru Rüfət Şahbazovla tanış oldum. Onun da mənə çox köməkliyi dəydi. "Ata ocağı" serialının çəkiliş proseslərini izləyir və təcrübə toplamağa çalışırdım. Gördüm ki, mən mühasibatlıqda deyil, aktyor sənətində daha xoşbəxt olaram. İçimdəki hissin arxasınca getdim. Bu hiss məni İstanbula köçməyə vadar etdi. Təsəvvür edin, Türkiyəyə köçdüm, amma burada heç kimi tanımırdım. Çox çətin günlər yaşadım. Bu gün o qərarı verdiyim üçün çox xoşbəxtəm. İstanbul "Sinema televizyon atelyesi"ndə Polad Bilgindən təhsil addım və kursa davam edərək seriallarda bölüm aktyoru olaraq çəkilməyə başladım. Artıq özümü aktyor kimi hiss edirdim. Beləliklə, "Avlu" serialında polis, "Çarpışma" serialında taksi sürücüsünü oynadım. Bundan əlavə, "Erkenci kuş" serialında şirkətin işçisi rolunu hələ də davam etdirirəm. Hədəflərim ölkəmi, ailəmi, özümü ən gözəl şəkildə təmsil etmək, gələcək üçün vətənimə, millətimə yararlı bir insan olmaqdır. Özümü doğrultmaq üçün məhz Türkiyəyə üz tutdum. Hesab edirəm ki, həyatdakı ən gözəl şey insanın işini sevərək görməsidir. Allahıma şükür edirəm ki, bu mənə nəsib oldu.    - Beynəlxalq münasibətlər ixtisasını bitirdiyiniz halda, niyə incəsənətə meyl etdiniz?

- Çünki uşaqlıq illərimdən bu sənətə böyük marağım vardı. Film izləməyi çox sevirdim. İzlədiyim film xarakterlərinin etdiyi hərəkətləri sonradan özüm edirdim və bundan xoşbəxt olurdum. Aktyorluq uşaqlıqdan içimdə böyüyən bir xəyal idi.   - Ssenari yazmağa həvəsiniz olduğu halda, yenə də aktyorluğa doğru yol aldınız. Sizcə, ikinci dəfə özünüzə haqsızlıq etmədinizmi?

- Məsələyə bu çərçivədən baxmıram. Çünki bu da mənim başqa bir istedadımdır. Mən bu sahədə davam etməsəydim, məhz onda özümə haqsızlıq edəcəyimi düşünürəm. Nəticə olaraq ssenari yazmaq mənə Allah tərəfindən verilən bir istedaddır. Əgər özümdə aktyorluq kimi bir istedadı görməsəydim, kor olardım. Aktyorluq sənətini davam etdirəcəm. Komediya janrında bir ssenari yazmışam. Uyğun zamanın və şəraitin gəlməsini gözləyirəm. Zamanı gələndə bu ssenariyə film çəkəcəm və filmdə özüm də rol alacam. Bundan başqa, filmdəki qəhrəman obrazını da Cem Yılmazdan başqa heç kimə vermərəm. İnanıram ki, o gün gələcək və mən bu filmi çəkəcəm. Ssenari yazmağın ən gözəl tərəfini əslində indi yaşayıram. Oynadığım hər xarakteri daha yaxşı və rahat şəkildə analiz etməyimdə mənə kömək edir.     - Cem Yılmaz sizin filmə çəkilərmi?

- Bir gün zamanı gələndə bunu onun özündən soruşarıq. Ancaq buna inanıram. O səviyyəyə qədər qalxacağıma şübhəm yoxdur.   - Ssenari yazmaq iddiasında olduğunuz halda, aktyorluğu tez bir zamanda məşhur olmaq üçünmü seçdiniz?

- Mən məşhur deyil, aktyor olmaq istəyirdim. Əgər tez bir zamanda məşhur olmaq istəsəydim, Azərbaycanda televiziyalarda bunu rahatlıqla əldə edərdim. Sənətimlə, oynadığım filmlərlə, yazdığım ssenarilərlə iz qoymaq istəyirəm. Çünki mən artıq özümü digər insanlardan fərqli hiss edirəm. İnsanların həyatına toxunan, onları xoşbəxt, kədərli, əsəbi və digər hallara sala biləcək digər xarakterləri canlandıraraq onların həyatına toxunuram. Bu hiss tamamilə fərqli bir şeydir. İnsanların gözündəki yaş, dodağındakı gülüş olmaq mükəmməl bir duyğudur.    - İki ölkədə serial çəkilişi prosesində iştirak etmisiniz. Bu proseslərdə ən böyük fərq nədir?

- Sponsorların ayırdığı maliyyə. Mən Azərbaycanda çox istedadlı ssenaristlərin, rejissorların və aktyorların olduğunu düşünürəm. Təəssüf ki, filmlərə, seriallara ayrılan maliyyə o qədər də yüksək deyil. Azərbaycanda iki işıq effektini bir qırıq bumla çəkən insanlar var. İstəmirəm ki, onların içindəki sənət eşqini öldürsünlər. Mənim bu həyatda ən çox kədərləndiyim sənətdən küsən insanları görməkdir. Çünki bizim işimiz könül, duyğu, ürək işidir.    - Sizcə, tək səbəb maliyyədirmi?


Xəbərə aid fotolar

Heydər Əliyev Fondu Xaçmaz sakinləri üçün konsert proqramı təqdim edib (FOTO) like
  • 05 May 21:58  
Digərləri Heydər Əliyev Fondu Xaçmaz sakinləri üçün konsert proqramı təqdim edib (FOTO)

Mayın 5-də Azərbaycan xalqının ümummilli lideri Heydər Əliyevin doğum g

arrow Ətraflı
Moskva hava limanında təyyarə alışıb: ölən və yaralanan var like
  • 05 May 21:46  
Digərləri Moskva hava limanında təyyarə alışıb: ölən və yaralanan var

Moskvanın Şeremetyevo hava limanında "Sukhoi Superjet 100" təyyarəsində ya

arrow Ətraflı
"5"i göstər, hədiyyəni al  Örnək  FOTO like
  • 05 May 21:40  
Digərləri "5"i göstər, hədiyyəni al Örnək FOTO

Qəşəm Niftəliyev: "Bayırda oynayan uşaqların sayı azalıb, hədiyy

arrow Ətraflı
Alimlər: Dünya okeanının yarısı kosmos mənşəlidir like
  • 05 May 21:35  
Digərləri Alimlər: Dünya okeanının yarısı kosmos mənşəlidir

Su planetimizin təxminən dörddəüçünü təşkil edir, lakin alimlər indiy

arrow Ətraflı
Ramazan ayında necə qidalanmaq lazımdır? like
  • 05 May 21:30  
Digərləri Ramazan ayında necə qidalanmaq lazımdır?

Qarşıdan bütün dünya müsəlmanları üçün müqəddəs olan Ramazan ayı

arrow Ətraflı
Günəş batareyaları populyarlaşır like
  • 05 May 21:25  
Dünya Günəş batareyaları populyarlaşır

Keçən il Belçikada şəxsi evlərin damlarında təqribən 50.000 yeni günə

arrow Ətraflı
Şəkər əvəzinə istifadə olunan faydalı məhsullar  SİYAHI like
  • 05 May 21:15  
Digərləri Şəkər əvəzinə istifadə olunan faydalı məhsullar SİYAHI

Təbiətdə olan elə qida məhsulları var ki, onlar şəkərin əvəzləyicisi

arrow Ətraflı
"Bacımın verdiyi bütün işləri idarə etmək üçün..."  FOTO like
  • 05 May 21:10  
Digərləri "Bacımın verdiyi bütün işləri idarə etmək üçün..." FOTO

Onun qəlbində müharibədə iştirak etmiş insanların xüsusi yeri var idi 

arrow Ətraflı
Moskvada yanan təyyarənin qorxulu enişi  İLK KADRLAR  VİDEO like
  • 05 May 21:05  
Dünya Moskvada yanan təyyarənin qorxulu enişi İLK KADRLAR VİDEO

Xəbər verdiyimiz kimi, Moskva - Murmansk reysi üzrə uçan sərnişin təyyar

arrow Ətraflı
Monikadan yeni  MÖHTƏŞƏM FOTOlar like
  • 05 May 21:00  
Digərləri Monikadan yeni MÖHTƏŞƏM FOTOlar

54 yaşlı dünya ulduzu Monika Belluççi fotosessiya etdirib.

arrow Ətraflı