Nazir: "İndoneziya ilə Azərbaycan arasında ikitərəfli əlaqələr genişlənir"
Digərləri 03 May 2019 19:49:00 215 0
İndoneziya ilə Azərbaycan arasında ikitərəfli əlaqələr müxtəlif sahələrdə daha da genişlənir.
Son.az Trend-ə istinadən xəbər verir ki, bunu İndoneziyanın Kənd Təsərrüfatı və Aqrar Planlama naziri Sofyan Cəlil deyib.
Cakartada Azərbaycan Xalq Cümhuriyyətinin 101-ci ildönümü tədbirində çıxış edən nazir 2018-ci ildə iki ölkə arasındakı ticarət dövriyyəsinin 500 milyon dollardan çox olduğunu deyib:
"Gələcəkdə Azərbaycan və İndoneziya arasında, xüsusilə enerji sektorunda ticarət və investisiya əməkdaşlığını genişləndirmək niyyətindəyik. Müştərək layihələr İndoneziya və Azərbaycan xalqları arasında dostluq və qardaşlıq münasibətlərini daha da gücləndirəcək".
Mənbə: milli.az