Portuqaliya klubu futzal üzrə Çempionlar Liqasında qalib oldu
İdman 29 Apr 2019 11:58:00 271 0
Futzal üzrə UEFA Çempionlar Liqasında 2018-2019-cu il mövsümünə yekun vurulub.
Goal.az verir ki, “Almatı Arena”da keçirilən “Dördlər Finalı”nın mükafatçıları müəyyənləşib.
Əvvəlcə üçüncü yer uğrunda oyun keçirilib. İspaniyanın iki komandası - İnter və Barcelona-nın duelində ikincilər 3:1 hesabı ilə qalib gəlib və bürünc medallara sahib çıxıb. Həlledici oyunda isə nəhayət, “Sportinq” 2011, 2017 və 2018-ci illərdəki uğursuz finallardan sonra qələbə qazanıb. Kayrat-ı 2:1 hesabı ilə məğlub edən Portuqaliya təmsilçisi tarixində ilk dəfə UEFA Çempionlar Liqasının qalibi olub. Sporting-in qapıçısı Guitta final matçının ən yaxşı oyunçusu seçilib.
Qeyd edək ki, final qarşılaşmasını rekord sayda - 11973 azarkeş izləyib.
Mənbə: goal.az