Bakı. Builki Azərbaycan Qran Prisi Formula 1-in tarixində ən mürəkkəb yarışdır. Trend-in məlumatına görə, bunu mərhələnin promouteri Arif Rəhimov deyib. A.Rəhimov deyib: "Trasda təhlükəli kombinasiyalar, şəhərin özünəməxsus landşaftı trası mürəkkəbləşdirir. Pilotların rəyləri, eləcə də Beynəlxalq Avtomobil Federasiyası ilə söhbətlər zamanı da təsdiq edirlər ki, başqa belə bir mürəkkəb tras yoxdur". Qeyd edək ki, Azərbaycan paytaxtında 4-cü dəfə keçirilən Formula 1 yarışları aprelin 28-dək davam edəcək.