Sevgilisinin anasını bıçaqlayan şəxsin cəzası
Kriminal 26 Apr 2019 16:09:00 167 0
Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Əlibrahim Səmədovun cinayət işi üzrə məhkəmə prosesi başa çatıb.
Son.az Trend-ə istinadən xəbər verir ki, hakim Mahmud Ağalarovun sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə Ə.Səmədov 5 il azadlıqdan məhrum edilib.
İttihama görə, Abşeron rayonunda Ə.Səmədov qeyri-rəsmi nikah münasibətində olduğu A.Məmmədlinin anası R.Məmmədova ilə mübahisə edib. Mübahisə nəticəsində Ə. Səmədov R. Məmmədovanı bıçaqlayıb.
Mənbə: milli.az