Azərbaycan İlahiyyat İnstitutu ilə Moskva İslam İnstitutu arasında əməkdaşlıq əlaqələri qurulur (FOTO)
Digərləri 25 Apr 2019 14:46:00 211 0
Azərbaycan İlahiyyat İnstitutu (Aİİ) ilə Moskva İslam İnstitutu arasında əməkdaşlıq protokolu imzalanıb.
Bakı.
Azərbaycan İlahiyyat İnstitutu (Aİİ) ilə Moskva İslam İnstitutu arasında əməkdaşlıq protokolu imzalanıb.
Aİİ-dən Trend-ə verilən məlumata görə, müqavilə tərəflər arasında təhsil və elm sahəsində uzunmüddətli əməkdaşlıq; tədris prosesində elmi nailiyyətlərin tətbiqi və təcrübə mübadiləsi; qarşılıqlı fayda əldə edilməsi; hörmət və etibar prinsipləri əsasında yüksəkixtisaslı kadrların hazırlanması; elmi potensialın inkişaf etdirilməsi; qarşılıqlı anlaşma; akademik, elmi və mədəni əlaqələrin qurulması; elmi araşdırma və təhsil sahəsində qarşılıqlı əlaqələrin inkişafı və möhkəmləndirilməsi məqsədi daşıyır. Sənədlərdə elmi təcrübə və araşdırma; tədris metodikası üzrə elmi məlumatların ötürülməsi; tədris prosesinin təşkili ilə bağlı təcrübənin bölüşülməsi; elmi-tədqiqat proqramları və layihələrinin birgə təşkili; tələbə mübadiləsi, elmi və metodiki vəsaitlərin çap olunması və digər məsələlər nəzərdə tutulur.
Mənbə: az.trend.az