Məlum olduğu kimi, hər insan fərqlidir. Biz hamımız müxtəlif intellekt səviyyəsi və bacarıqlarla doğulsaq da, emosional əsasımız anadangəlmə hamımızda eynidir.

Lakin necə böyüdüyümüz necə olacağımıza birbaşa təsirini göstərir. Emosional güc sizə həyat adlandırılan bu səyahəti daha rahat şəkildə başa vurmağa kömək edir. Emosional qüvvə ağrı çəkmədən həyatı dolğun yaşamaq üçün bizim biletimizdir.

Son.az emosional qüvvəyə nail olmaq üçün özünüzdə inkişaf etdirməli olduğunuz cəhətlərlə tanış edir.

Sakitlik

Emosional baxımdan güclü insanlar heç vaxt heç kimlə, hətta özləri ilə mübarizə aparmayacaqlar. Onlar mənəvi sakitliyə malikdir ki, bu da onların gücüdür.

Cəsarət

Onlar ağrını hiss etməkdən qorxmurlar. Emosional baxımdan güclü insanlar ağrıya dözməyə hazırdır, çünki onlar bilirlər ki, bu, şəfanın bir hissəsidir. Emosiyalarını inkar etmirlər, çünki əmindirlər ki, onlarda hər şey nəzarət altındadır.

Səhvlərdən qorxmurlar

Planları həyata keçməyəndə ümidsizliyə qapılmır, həmçinin səhvlərdən də qorxmurlar, çünki onları başqalarının nə düşündükləri heç vaxt maraqlandırmır.

Fokus

Hər dəfə çıxılmaz vəziyyətə düşəndə, problemin necə baş verdiyi üzərində baş sındırmırlar. Onlar bunun əvəzinə bu problemi aradan qaldırmağın üsullarını fikirləşir.