Nömrəsini dəyişən vətəndaşlar nə etməli?


Digərləri 20 Apr 2019 17:14:00 211 0

Nömrəsini dəyişən vətəndaşlar nə etməli?

Banklar problemli kreditlərlə bağlı gücləndirilmiş iş rejiminə keçib. 

Son.az News24.az-a istinadən bildirir ki, problemli kreditlərlə bağlı Prezidentin fərmanının icrası ilə bağlı son hazrlıq prosesləri gedir. Əldə etdiyimiz məlumata görə, banklar gücləndirilmiş iş rejiminə keçib, iş vaxtı uzadılıb, əməkdaşlar şənbə və bazar günü də işə cəlb olunub.

Eyni zamanda, əlavə işçilər də əməkdaşlığa dəvət olunub. Yaxın günlərdə ilkin olaraq dövlət tərəfindən kompensasiya kimi ayrılacaq vəsaitlər bankların müxbir hesabına köçürüləcək, daha sonra isə müştərilər SMS vasitəsilə dəvət olunaraq kompensasiyalarını əldə edə biləcəklər. Maliyyə Bazarlarına Nəzarət Palatası tərəfindən qəbul edilən qaydalara əsasən banklar bütün müştərilərə SMS göndərib, kompensasiyanın məbləği, hansı bankdan və hansı formada alacağı barədə məlumat verməlidirlər. 500 manatadək nağd, 500 manatdan yuxarı məbləğdə vəsait isə kart vasitəsilə veriləcək. Banklarda müştərilərlə əlaqə yaradılmasında problemlərin yaşandığı da bildirilir.