Son.az publika.az-a istinadla yazını təqdim edir: 

Qadının saçları onun seksual enerjisinin daşıyıcısı və gücüdür. Açıq və dağınıq saçlar başqalarına çox güclü təsir göstərir, eyni zamanda belə saç düzümü qadın enerjisinin tükənməsinə səbəb olur. Saçınızı bir gün toplamayın, səhəri gün atquyruğu yığıb enerji itkisini sınaqdan keçirin. Lakin saçlarınızı sevgilinizin yanında aça bilərsiniz, gücünüz bütün dünyaya deyil, əsas ona yönəldilməlidir! Kişinin ilham pərisi olmaq hər bir qadının başlıca vəzifəsidir. Qoy o, sizdən ilhamlansın və bütün dünyanı ayaqlarınıza sərsin.

Gözlər qadının ağılını əks etdirir. Qadını cəlbedici edən baxışlarıdır. Qadının üz ifadəsi kişilərə təsir edən ilk amildir. Qadının psixikası elə qurulub ki, əgər kimə və nəyəsə 40 saniyədən çox baxırsa, artıq onun haqqında düşünməyə və onu istəməyə başlayır. Odur ki, yad kişilərə 40 saniyədən çox baxmaq olmaz, xüsusilə evlisinizsə. Bu, sizin əqli sakitliyiniz üçün lazımdır.

Boyun arxası qadın bədəninin ən zərif və məhrəm zonası hesab olunur. Haqqınızda pis danışan adamlara üz çevirməyin, əks halda lənət almaq olar. Ezoteriklər hesab edir ki, lənət əsasən kürək və boyun nahiyəsində toplanır. Boynun arxası çox energetik nöqtədir, odur ki, qoruyucu amulet, taxta muncuqlar taxmaq tövsiyə olunur. Onlar bu zonanı qorumağa kömək edir. Qədim inanclara əsasən hörük mistik bir düyündür. Sizi öz energetikanızdan daha güclü heç nə qoruya bilməz.

Çiyinlər, körpücük sümüyü və biləklər güclü seksual enerji saçır, bir çox ənənələrdə yad kişiləri başdan çıxartmamaq və öz enerjini qorumaq üçün çiyinləri örtmək və biləyə çoxlu bilərzik taxmaq qəbul edilib. Maraqlıdır ki, sinə dekoltesi enerji itkisinə səbəb olmur. Çünki sinə seksuallıq yox, analıq rəmzi sayılır. Odur ki, qədərində dekolte yol veriləndir.