Taksidə siqaret çəkilməsinə görə inzibati xəta haqqında işlərə DİN baxacaq FƏRMAN


Siyasət 15 Apr 2019 17:36:00 202 0

Taksidə siqaret çəkilməsinə görə inzibati xəta haqqında işlərə DİN baxacaq  FƏRMAN

Prezident İlham Əliyev Azərbaycan Respublikası Prezidentinin "Azərbaycan Respublikası İnzibati Xətalar Məcəlləsinin təsdiq edilməsi haqqında" Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə" 2016-cı il 15 fevral tarixli 795 nömrəli və "İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı"nın təsdiq edilməsi barədə" 2017-ci il 23 fevral tarixli 1256 nömrəli fərmanlarında dəyişiklik edilməsi haqqında fərman imzalayıb.

Son.az AZƏRTAC-a istinadən xəbər verir ki, dəyişikliyə əsasən fərmanın 5.27-1-ci bəndinə "Nazirliyi," sözündən sonra "taksi minik avtomobilində tütün çəkilməsinə münasibətdə Azərbaycan Respublikasının Daxili İşlər Nazirliyi," sözləri əlavə edilir.

"İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı"nın 2.1-ci, 2.2-ci və 2.4-cü bəndlərinə "322.0.2," rəqəmlərindən sonra "322.0.4 (taksi minik avtomobilində tütün çəkilməsinə münasibətdə)," sözləri əlavə edilir.