Bakı. Formula 1 Azərbaycan Qran Prisinə bilet satışı ildən-ilə artır. Bunu "PREZİDENT. Müstəqillik. Təhlükəsizlik. Rifah" videolayihəsi çərçivəsində Trend-ə açıqlamasında Bakı Şəhər Halqasının Marketinq və Kommunikasıya şöbəsinin müdiri Nigar Arpadarai deyib. N.Arpadarai qeyd edib ki, Formula 1 Azərbaycan Qran Prisi iqtisadiyyatımıza töhfə verən bir layihədir: "Bildiyiniz kimi, Formula 1-in bir mövsümdəki yarışlarını 500 milyon insan izləyir. Azərbaycan Qran Prisini isə keçən il canlı yayım vasitəsilə 82 milyon insan izləyib. Bu, çox böyük rəqəmdir".