Bakı. Samir Əli - "PREZİDENT. Müstəqillik. Təhlükəsizlik. Rifah" videolayihəsi çərçivəsində Trend-ə açıqlamasında Xalq yazıçısı Çingiz Abdullayev Prezident İlham Əliyevin ölkədə həyata keçirdiyi inqilabi islahatlara, insanların rifahi üçün atılan addımlara, vətəndaşların bütün kateqoriyalarına göstərilən dövlət qayğısına ziyalı mövqeyini bildirib. Tanınmış qələm sahibi Azərbaycanda həyata keçirilən son sosial islahatları yüksək qiymətləndirib: “Bildiyiniz kimi, ölkədə fəaliyyət göstərən bütün yaradıcılıq təşkilatlarına vəsait ayrıldı. Biz Yazıçılar İttifaqı olaraq bu vəsaitlə kitab çap edirik, ehtiyacı olan yaradıcı insanlara, xəstələrə kömək edirik, bu vəsaitdən mükafatlar veririk. Bu baxımdan ölkədə həyata keçirilən islahatları dəstəkləyirəm və bildirmək istəyirəm ki, Azərbaycan Prezidenti İlham Əliyev və Birinci vitse-prezident Mehriban Əliyeva tərəfindən aparılan bu siyasi xətti hər birimiz dəstəkləməliyik. Görülən bu işlər mütləq qeyd edilməlidir. O ölkələrdə ki dövlət başçısı, məmurlar mədəniyyətə, elmə, təhsilə diqqət ayırır, həmin dövlətlər inkişaf edir”.