Expressbank güzəştli aqrar kredit imkanlarını artırdı


Digərləri 10 Apr 2019 17:50:00 272 0

Expressbank güzəştli aqrar kredit imkanlarını artırdı

Aqrar sahəyə dəstəyi artırmaq məqsədilə Expressbank, Aqrar Kredit və İnkişaf Agentliyi ilə Dünya Bankının birgə həyata keçirdiyi "Kənd Təsərrüfatının Rəqabət Qabiliyyətinin Gücləndirilməsi" layihəsinə qoşulub. Əməkdaşlıq çərçivəsində Expressbank Layihənin Aqrobiznesə Maliyyə Xidmətləri üçün ayrılan kredit xəttindən vəsaitləri öz müştərilərinə təklif edə biləcək. Birgə layihədə təqdim edilən kredit kənd təsərrüfatının inkişafı üçün nəzərdə tutulub. Kreditin illik faiz dərəcəsi 8% - dən başlayır və məbləği 30 000 AZN-dən 800 000 AZN - dəkdir.

Qeyd edək ki, Expressbank son dövr ərzində biznes fəaliyyəti ilə məşğul olan müştərilərə göstərilən xidmət imkanlarının genişləndirilməsi ilə bağlı bir sıra tədbirlər görür. Bankın əsas strateji məqsədlərindən biri iş adamlarına, şirkətlərə dəstəyin göstərilməsi və onların yaxın tərəfdaşına çevrilməkdir.