Son.az xəbər verir ki, bunu Sputnik Azərbaycan-a açıqlamasında hüquqşünas Əkrəm Həsənov deyib.

Əkrəm Həsənov bildirib ki, fərmandan irəli gələn məsələlərin icrası nəticəsində Azərbaycanın məhkəmə-hüquq sistemində inqilabi dəyişikliklər baş verə bilər: "Məhkəmə proseslərinin audio yazılarının olması neqativ halların qarşısını almağa kömək edəcək. Həmçinin məhkəmə qərarlarının dərc olunması, elektron informasiya siteminin yaradılması və Ali məhkəmə tərəfindən məhkəmə qərarlarının ümumiləşdirilməsini də mühim addım kimi qiymətləndirmək olar. Qərarların ümumiləşdirilməsi məhkəmə qərarlarının vahidliyini təmin edəcək və onları proqnozlaşdırmaq olacaq. Eyni zamanda hakimlərin sayının artırılması və ixtisaslaşdırılmış məhkəmələrin yaradılması da müsbət dəyişikliklərə səbəb olacaq".

Qeyd edək ki, Prezident İlham Əliyev məhkəmə-hüquq sistemində islahatların dərinləşdirilməsi haqqında fərman imzalayıb.