Bakıda avtomobil piyadaları vurdu, sonra avtobusa çırpıldı:


Digərləri 01 Apr 2019 11:32:00 245 0

Bakıda avtomobil piyadaları vurdu, sonra avtobusa çırpıldı:

Bakının mərkəzində yol-nəqliyyat hadisəsi baş verib.

Son.az Trend-ə istinadən bildirir ki, qəza bir neçə dəqiqə əvvəl Rəşid Behbudov küçəsində, Mərkəzi Bankın yanında qeydə alınıb. Belə ki, "Mercedes" markalı avtomobil piyada keçidindən istifadə edən 3 nəfəri vurub.

Daha sonra sürücü idarəetməni itirərək avtobusa çırpılıb.

Səhiyyə Nazirliyindən Trend-ə verilən məlumata görə, hadisə nəticəsində 2 nəfər ölüb, daha iki nəfər isə xəsarət alıb. Ölənlər "Mercedes" markalı avtomobilin sürücüsü və 50-55 yaşlı naməlum qadındır. 60-65 yaşlı qadın və 30 yaşlı kişi isə xəsarət alaraq Kliniki Tibbi Mərkəzə yerləşdiriliblər.